ليش سنّي لي نزل من فترة تأخّر كتير ليطلع وباقي الأسنان لي راحوا من قبل طلعوا أسرع؟ وليش عم ياخد وقت كتير هالمرّة؟

كتير أوقات أطفالنا بيشعروا بضرورة الإشيا تصير بعجلة ومفهوم الوقت لإلهم ما كتير بيكون واضح، وكتير أوقات نحنا ككبار وكأهل منستعجلّهم وبدنا كل مراحل النمو والمراحل التعليمية تصير بسرعة من دون الأخذ بعين الإعتبار وتيرة جسمهم وجهوزيتهم.

كيف شرحتلّها مفهوم الوقت لبنتي بس ضلّت تسأل عن سنها لي أخد وقته ليطلع؟

تابعوا معي هيدي القصّة بحلقة جديدة من بودكاست 'بكل حب'.

ليش ما فيني حط ماكياج على وجّي وليه ما فيني حط مانيكير (طلاء أظافر) على ضفيري؟ وبس يصير عمري قدي بقدر حط؟ طيب وليش ما فيني استعمل علب الماكياج المعمولة للأطفال والموجودة بمحلّات الألعاب؟

من الطبيعي جداً بناتنا الزغار يشعروا إنو عبالهم يحطوا ماكياج وطلاء أظافر ويقلّدوا أمهاتهن وشو عم يشوفوا من حولهم. ليش من الأحسن ما نسمح بهالشي وكيف ممكن نشرحلهم وشو جاوبتها لبنتي بس سألتني عن هالموضوع؟

تابعوا معي هيدي القصة بحلقة جديدة من بودكاست 'بكل حب.'

أوقات كتير منشعر بالخوف إذا اضطرينا نرسم حدود ونقول لا لشخص كل يوم عم يؤذينا ويجرحنا ومنصير خايفين عمشاعره أكتر من حرصنا على مشاعرنا.

كيف منربي أطفالنا يعرفوا يدافعوا عن حالهم من دون الخوف من حكم الآخرين عليهم؟

تابعوا معي هيدي القصّة بحلقة جديدة من بودكاست 'بكل حب'.

أوقات بيكون ضروري ناخد قرار نحنا شايفينو الأنسب لخير أطفالنا بس هني مش قادرين يشوفوا هالقرار فعلاً مناسب يمكن لأنهم خايفين وهالشي جديد عليهم. حقهم أكيد يخافوا ونحنا دورنا نسمعلهم ونشرحلهم ونطمنهم.

تابعوا معي هيدي القصّة بحلقة جديدة من بودكاست 'بكل حب'.

أوقات مننسى إنو كنا كلنا أطفال وبمراحل عديدة كلنا رسمنا على حيطان البيت أو كان عبالنا نرسم بس خفنا من القصاص واليوم بس صرنا أهل صرنا بدنا نقاصص أطفالنا كل ما رسموا عالحيط.

- يعني معقول تسمحي لبنتك ترسملك على حيطان البيت؟
- نعم معقول.
- كيف؟

تابعوا معي هيدي القصة بحلقة جديدة من بودكاست 'بكل حب.'

أوقات أطفالكم بيسمعوا عبارات وتعليقات كتيرة غير لطيفة عن جسمهم وعن مظهرهم الخارجي وهالأمر ممكن كتير يجرحهم ويزعجهم. بكل حب، كيف ممكن تعالجوا هيدا الموضوع؟
تابعوا معي هيدي القصّة بحلقة جديدة من بودكاست 'بكل حب'.

أوقات بيرجعوا أطفالكم عالبيت حزينين عم يخبروكم إنو شاركوا أصحابهم خبرية أو رأي وضحكوا عليهم أو سخروا منهم. بكل حب، كيف ممكن تستمعوا وتصغوا لإلهم وتمنحوهم مساحة آمنة للتعبير عن لي آلمهم وتساعدوهم على تخطي لي صار؟
تابعوا معي هيدي القصّة بحلقة جديدة من بودكاست 'بكل حب'.

أوقات منشوف أطفالنا عم بيقارنوا حالهم مع غير أطفال أو عم يتنافسوا مين أنجز أفضل من التاني أو مين عندو ألعاب أو تياب أو أغراض أكتر أو مين الأفضل. كيف فينا نتصرّف بكل حب للحد من تربية أطفال عم يشعروا بحاجة دائمة للمقارنة والمنافسة وانعدام الأمان.
تابعوا معي هيدي القصّة بحلقة جديدة من بودكاست 'بكل حب'.

أوقات أطفالنا بيكسروا غرض كتير عزيز على قلبنا.
كيف منقدر نتصرّف معهم بكل حب من دون أذيتهم نفسياً جسدياً وعاطفياً؟ تابعوا معي هيدي القصّة بالحلقة الأولى من بودكاست 'بكل حب'.

حلقة جديدة كل يوم احد.