43 episodes

يهدف بودكاست "بكل الحب" إلى رفع الوعي ونشر التوعية السليمة حول مواضيع مختلفة تخص تربية الأطفال بحب وأمان. كيف يمكن أن نمنح أطفالنا الوقت، والمساحة الآمنة والحب غير المشروط في كافة مراحل نموّهم بطريقة واعية، هادئة، لطيفة ومتناغمة وفق مبدأ وقوانين الطاقة.

أطفالنا يستحقون أن نربيهم بكل حب.

بكل ح‪ب‬ Hakawati | حكواتي

    • Kids & Family
    • 5.0 • 2 Ratings

يهدف بودكاست "بكل الحب" إلى رفع الوعي ونشر التوعية السليمة حول مواضيع مختلفة تخص تربية الأطفال بحب وأمان. كيف يمكن أن نمنح أطفالنا الوقت، والمساحة الآمنة والحب غير المشروط في كافة مراحل نموّهم بطريقة واعية، هادئة، لطيفة ومتناغمة وفق مبدأ وقوانين الطاقة.

أطفالنا يستحقون أن نربيهم بكل حب.

    بعدك زعلانة؟ لاء، عطيت وقت لمشاعري وهلّق صرت أحسن

    بعدك زعلانة؟ لاء، عطيت وقت لمشاعري وهلّق صرت أحسن

    ليش مهم نسمح لولادنا يحزنوا وما نتسرّع ونحاول نتحكّم بمشاعرهم لنوقّف الشي لي عم يشعروا فيه إن كان خوفاً عليهم أو إن كان لأنو كان معنا وقت لمشاعرهم؟

    قدي مهم نعلّمهم يواجهوا ويقولوا الحقيقة للشخص لي زعجهم ليكبروا صادقين مع حالهم؟

    قدي مهم أطفال غزّة اليوم بكل لي عم يمرّوا فيه من قساوة نسمحلهم كمان يزعلوا ويبكوا ويأخدوا كل وقتهم وما نحطلّهم براسهم ولا براس أي طفل إنو خليكم اقوياء كرمال كرامتكم.

    خلينا نختار نمنح أطفالنا حقهم بالحزن!

    تابعوا معي هيدي الحلقة الجديدة من بودكاست 'بكل حب'.

    وقت كنتو زغار ما كنت شيل ولا غرض من قدامكم! كم مرّة سمعتوا هالجملة؟

    وقت كنتو زغار ما كنت شيل ولا غرض من قدامكم! كم مرّة سمعتوا هالجملة؟

    وقت كنتوا زغار ما كنت شيل ولا غرض من قدامكم. البيت كان يضلّ مرتب، نضيف، ما كنتوا تمسكوا منفضة. كم مرّة سمعتوا هالجملة من أهاليكم؟ وقدي خلق هالشي ميل لكل شي يكون مثالي وكامل بحياتكم وقدي بتقسوا على حالكم إذا ما كان كل شي كامل ومثالي؟ ليش مهم نسمح للطفل يعيش حياة حقيقية وحيوية بالبيت مع رسم حدود صحية؟

    قدي في وجع وألم بغزّة اليوم وقت الأهل لي فقدوا أطفالهم عم يشتاقوا لحضورهم ووجودهم وكل الفوضى لي ممكن يخلقوها بالبيت؟ قدي ممكن نتعلّم المرونة مع حالنا ومع أطفالنا ونسمح للقصص تكون حقيقية وطبيعية بعيداً عن المثالية والكمال؟

    تابعوا معي هيدي الحلقة الجديدة من بودكاست 'بكل حب'.

    كيف منربّي جيل بيعرف ياخد مواقف إنسانية؟

    كيف منربّي جيل بيعرف ياخد مواقف إنسانية؟

    وعّتني بنتي من كم يوم لتخبرّني عن شي صار معها من سنة وزعجها كتير وقدرت بوقتها تعبّر عن موقفها بحزم. هيي وعم تحكي ذكّرتني بكتير مواقف منتربّى فيها على الخوف من إنو ناخد موقف صح.

    قدي مهم نسمح لأطفالنا يسمعوا لحدسهم، ومشاعرهم، ويميزوا بين المقبول وغير المقبول، ويشوفونا عم ناخد مواقف عادلة قدامهم لننمي عندهم حس الإنسانية والعدالة وليتعلّموا بدورهم يكون عندهم رأي ومواقف إنسانية عادلة؟

    تابعوا معي هيدي الحلقة الجديدة من بودكاست 'بكل حب'.

    سألتني بنتي إذا تم تدمير كل شي بفلسطين وقتلوا كل الناس لي بتعمّر بيوت مين بيرجع يعمّر؟

    سألتني بنتي إذا تم تدمير كل شي بفلسطين وقتلوا كل الناس لي بتعمّر بيوت مين بيرجع يعمّر؟

    بطريقة كتير بريئة وصادقة سألتني بنتي هيدا السؤال وأخذني دقايق لإقدر جاوبها واشرحلها على قد عمرها انو صحيح في وجع ودمار واشيا مؤلمة عم تصير، رح يضلّ في مكان للحلم بفلسطين حرّة وعم ترجع تتعمّر ! كيف منساعد الأطفال اليوم يؤمنوا بتحقيق بأحلاهم وبفلسطين متحررة من كل هالظلم؟

    تابعوا معي هيدي الحلقة الجديدة من بودكاست 'بكل حب'.

    كيف منعلّم ولادنا يقدّروا قيمة أي شي بالحياة؟ من خلال تعزيز الإمتنان بقلوبهم

    كيف منعلّم ولادنا يقدّروا قيمة أي شي بالحياة؟ من خلال تعزيز الإمتنان بقلوبهم

    ابني ما بيعجبه شي؟ بنتي شو ما اشتريتلا ما بتقدّر شي؟ ولادي ما عم يعرفوا قيمة شو عم نقدملّهم، كل لي عندهم ياه هلّق ما كان عنا ياه بعمرهم! لأنو كنتوا شاطرين أخذناكم هالمشوار. قلت شكراً لتيتا وجدو ؟
    مع بداية هيدا العام كيف منخلق تغيير عند أطفالنا من خلال تعزيز التقدير الإمتنان الحقيقي والعفوي بقلوبهم؟

    تابعوا معي هيدي الحلقة الجديدة من بودكاست 'بكل حب'.

    كل عام والأطفال أحرار، محميّين، غير مبرمجين، صوتهم مسموع وبصيرتهم مفتوحة

    كل عام والأطفال أحرار، محميّين، غير مبرمجين، صوتهم مسموع وبصيرتهم مفتوحة

    بليلة راس السنة، أمنيتي الأطفال يكبروا بأمان، يكونوا دايماً محميين، حقوقهم محفوظة، أحرار بفكرهم، غير مبرمجين، صوتهم مسموع، بصيرتهم مفتوحة ومحبوبين من دون تمييز وأجندات وحسابات وشروط.

    نحنا وعم ننهي سنة ونبدا سنة جديدة مع أطفالنا مهم جداً نذكرّهم بالوقوف الدايم مع الحق بوجه الظلم. نحنا وياهم نضوي شمعة لأطفال فلسطين والسودان وجنوب لبنان ونبعت من قلبنا حب ونور وسلام!

    بهيدي الليلة لي معظم الناس فيها ملتهية بالإحتفالات، قدي مهم نختار نخصص وقت حقيقي وصادق لأطفالنا ونخبرهم قدي ممتنين إلهم، قدي فخورين فيهم متل ما هني، وقدي بيهمنا يكونوا عم يعيشوا حياتهم بفرح، وبصدق وبتناغم من دون الحاجة للعيش تحت أي ضغوطات لنيل الرضا والقبول والتقدير؟

    تابعوا معي هيدي الحلقة الجديدة من بودكاست 'بكل حب'.

Customer Reviews

5.0 out of 5
2 Ratings

2 Ratings

Top Podcasts In Kids & Family

1001 Nights | ألف ليلة وليلة
Sowt | صوت
Histoires pour enfants : Petit Lapin / histoire du soir / Podcast enfant
Engle
La Grimm Académie (Histoires pour enfants)
Guillaume Haubois & Studio Fantask
استشارة مع سارة | EM3Sarah
Mics | مايكس
Brains On! Science podcast for kids
American Public Media
Histoires pour enfants à écouter
DISO

You Might Also Like

هدوء | Calm
Mics | مايكس
عالم القصص
Rising Giants Network
بودكاست رذاذ
RathathPodcast
Bar Bahr | بر بحر
Sowt | صوت
بودكاست صحب
بودكاست صحب
بكل ثقة
Asharq Podcasts | الشرق بودكاست